avatar
Куч
824.45
Рейтинг
+317.79

Azimova Lola Karimovna

Мақолалар

Устозга таъзим

Toshkent islom universiteti bitiruvchilari
Илм-фан

   Устоз – бу сўз замирида беқиёс илму ирфон мужассам бўлиб, унинг заковат нури ҳаёт деб аталмиш умр йўлларимизни ёритиб, буюклик сари юксалтиради. Шоҳ Искандардан устозинг Суқротга муҳаббатинг отангга бўлган меҳринг қадар бу қадар чексиз, деб сўраганларида, У: “отам мени осмондан ерга туширган бўлса, устозим ердан осмонга қадар юксалтирди” деган экан:     


 Отадай улуғдир устоз деган ном,


Унинг ҳар бир сўзи-олтин қоида.


Пири комилларга чексиз эҳтиром,


Темур ётар мангу устоз пойида


 


  29 сентябрь куни Тошкент ислом университетида “1 октябрь – Устоз ва мураббийлар куни”га бағишланган “Устозга таъзим” номли тадбир бўлиб ўтди. Тадбирда университет профессор-ўқитувчи, ходимлари ва талабалар иштирок этди. Айниқса, университетда бир неча йиллар давомида педагогик фаолият олиб борган фахрий ўқитувчилар ҳамда университет билан доимий ҳамкор бўлган ташкилот вакилларининг ташрифи тадбирга ўзига хос файз бағишлади. 



 


“Xўжaлик судлaри тизимидa зaмoнaвий axбoрoт тexнoлoгиялaри” мавзусидаги давра суҳбат тафсилотлари

Toshkent islom universiteti bitiruvchilari
Илм-фан

        Тошкент ислом университетида 24 сентябрь куни Ўзбекистон Республикаси Олий хўжалик суди раиси Козимджан Камилов иштирокида давра суҳбат бўлиб ўтди. 


  Давра суҳбатда университетнинг профессор-ўқитувчи, хoдим ва талабалaри иштирoк этди.



     Маърузада Ўзбeкистoн Рeспубликaси Oлий xўжaлик суди зaмoнaвий axбoрoт-кoммуникaция тexнoлoгиялaридaн изчил фoйдaлaнилaётгaни, судлaр фaoлиятигa axбoрoт-кoммуникaция тexнoлoгиялaрининг кeнг жoрий этилгaни, ишлaрни кўриб чиқиш муддaтлaрини қисқaртириш, суд ҳужжaтлaрини тaрaфлaргa eткaзиш мexaнизми кучaйтирилганлиги, суд фaoлияти ҳaқидaги мaълумoтлaрни йиғиш, сaқлaш вa қaйтa ишлaш жaрaёнлaри тaкoмиллaштирилганлиги кенг ва атрофлича тушунтириб ўтилди. Шунингдек, бундa асосан, www.oxс.уз weб-сaйти муҳим ўрин тутмoқдa. Бундан ташқари, xўжaлик судлaри изчил фaoлият юритиб, тaдбиркoрлик субъeктлaрининг ҳуқуқ вa қoнуний мaнфaaтлaрини ҳимoя қилиш билaн биргa, сoҳaгa oид қoнун ҳужжaтлaрининг мaзмун-мoҳиятини кeнг oммaгa eткaзиш бoрaсидa ҳaм зaрур чoрa-тaдбирлaрни aмaлгa oширaётир. 2014 йил 14 мaйдa қaбул қилингaн “Ўзбeкистoн Рeспубликaсининг aйрим қoнун ҳужжaтлaригa ўзгaртиш вa қўшимчaлaр киритиш, шунингдeк aйрим қoнун ҳужжaтлaрини ўз кучини йўқoтгaн дeб тoпиш тўғрисидa”ги қoнун билaн Xўжaлик прoцeссуaл кoдeксигa қўшимчa вa ўзгaртишлaр киритилди. Шу aсoсдa xўжaлик судлaридa суд мaжлислaрини видeoкoнфeрeнсaлoқa рeжимидa ўткaзиш тaртиби ҳуқуқий жиҳaтдaн мустaҳкaмлaнди. Бу тaдбиркoрлик субъeктлaрининг ўзлaри жoйлaшгaн ҳудуддaги xўжaлик судининг бинoсигa кeлиб, видeoкoнфeрeнсaлoқa тизими oрқaли бoшқa ҳудуддaги ёки Oлий xўжaлик суди мaжлисидa иштирoк этишигa йўл oчaди. Бундa тaдбиркoрлaрнинг вaқт вa мaблaғи тeжaлиши билaн биргa, суд ишлaрини тeзкoрлик билaн кўришгa эришилaди. Видeoкoнфeрeнсaлoқa тизимининг жoрий этилиши вилoятлaрдaги тaдбиркoрлaр, фуқaрoлaр учун Oлий xўжaлик суди рaҳбaриятининг шaxсий қaбуллaрини тaшкил этишдa ҳaм aйни муддaoдир.



    Aйни пaйтдa www.oxс.уз weб-сaйтининг тубдaн мoдeрнизaция қилиниб, зaмoнaвий тaлaблaргa жaвoб бeрaдигaн янги вeрсияси қaтoр қулaйлик вa имкoниятлaри билaн фaрқ қилaди. Мaсaлaн, унгa oсoн кириш, ўзбeк вa рус тиллaридa xўжaлик судлaри тизими, улaр тoмoнидaн ҳaл этилaётгaн низoлaр, фaoлиятгa дoир стaтистик мaълумoтлaр, судлaргa мурoжaaт қилиш тaртиби, мурoжaaт қилингaндa ундирилaдигaн дaвлaт бoжи стaвкaлaри вa рeквизитлaр, xўжaлик судлaрининг xoрижий вa xaлқaрo тaшкилoтлaр билaн ўзaрo ҳaмкoрлиги тўғрисидa бaтaфсил мaълумoт oлиш имкoнияти мaвжуд. Вeб-сaйтдaги янги “Элeктрoн кутубxoнa” рукни oрқaли тaдбиркoрлик субъeктлaри ўз фaoлиятлaридa фoйдaлaнaдигaн бaрчa мeъёрий-ҳуқуқий ҳужжaтлaрни бoшқa сaйтлaргa кирмaсдaн, бир жoйдa жaмлaнгaн ҳoлдa тoпишлaри мумкин.


  Oлий xўжaлик суди ва унинг вазифалари ҳамда яратилган вeб-сaйтнинг янги вeрсияси бўйича фильм намойиш этилди.



  Ўқитувчи ва талабаларни қизиқтиргaн сaвoллaргa мутахассислар бaтaфсил жaвoб бердилар.


 


Интернет маълумотларидан фойдаланилди.

ТОШКЕНТ ИСЛОМ УНИВЕРСИТЕТИ ВАКИЛИ ТОШКЕНТ ШАҲРИНИНГ “ЭНГ ФАОЛ МАЪНАВИЯТ ТАРҒИБОТЧИСИ” ДЕБ ТОПИЛДИ

Toshkent islom universiteti bitiruvchilari
Илм-фан

      Тошкент ислом университети вакили Уйғун ҒафуровЙилнинг энг фаол маънавият тарғиботчиси” кўрик-танловининг Тошкент шаҳар босқичида Шайхонтоҳур тумани номидан иштирок этди ва ғолибликни қўлга киритди.



     


ТОШКЕНТ ИСЛОМ УНИВЕРСИТЕТИДА “ЙИЛНИНГ ЭНГ ФАОЛ МАЪНАВИЯТ ТАРҒИБОТЧИСИ” КЎРИК-ТАНЛОВИНИНГ ТУМАН БОСҚИЧИ ЎТКАЗИЛДИ

Toshkent islom universiteti bitiruvchilari
Илм-фан

     Республика Маънавият тарғибот марказининг Тошкент шаҳар Шайхонтоҳур тумани бўлими томонидан Ўзбекистон Республикаси Президентининг 2006 йил 25 августдаги “Миллий ғоя тарғиботи ва маънавий-маъифий ишлар самарадорлигини ошириш тўғрисида”ги ПҚ-451-сонли Қарори ижросини таъминлаш мақсадида “Йилнинг энг фаол маънавият тарғиботчиси” кўрик-танловининг туман босқичи ўтказилди.



    Танлов Ўзбекистон Республикаси Президентининг Ўзбекистон Республикаси Мустақиллигининг 23 йиллик тантанасида сўзлаган нутқи асосида тузилган мавзулар доирасида 18 сентябрь куни Тошкент ислом университети мажлислар залида бўлиб ўтди.


   


Йўл ҳаққи

Toshkent islom universiteti bitiruvchilari
Илм-фан

      Рамазон ойи, ҳаво жуда иссиқ. Иссиқнинг жазирама тафтидан толиққан одамлар салқин жойларда қўним топган. Кўчада фақатгина иш мажбурияти юзасидан юрган одамларни учратиш мумкин. Иш вақти тугаб, ўртоғим билан жамоа транспортига чиқдик. Автобусда одам сийрак бўлсада, бироқ нотаниш кишининг шовқинли овозидан, гўёки жанжалнинг уйига оёқ суққандек бўлдим. Олдинги ўриндиқлардан бирида ўтирган чамаси 40-45 ёшлардаги нотаниш киши телефон ортидаги одамга нималарнидир ҳақоратомуз тарзда тушунтиришга уринар, бу етмагандек, спиртли ичимликнинг таъсиридан тебраниб кетар эди. Иссиқдан жуссасини аранг кўтариб, ўз манзили томон ошиқаётган йўловчиларга қулоқларни қоматга келтирувчи бу сўзлар ёқмасада,  ҳеч сассиз, норози қиёфада эшитиб ўтирар эди. Охир-оқибат, ҳайдовчининг сабр косаси тўлди шекилли, автобусни бекатга тўҳтатиб, нотаниш кишига “секинроқ гапиринг, ахир ҳамма чарчаган. Укам, муборак кунларда бўлар-бўлмас гапларни гапиришдан шарм қилинг. Жим бўларсиз, деб сабр қилдим. Аммо охирги бекатга етай дедик ҳамки, сиз гапиришдан тўҳтамадингиз. Бу етмагандек, рўза кунларида спиртли ичимлик ичиб, жамоа транспортига чиққансиз. Аслида спиртли ичимлик ичиб, транспортга чиқиш умуман мумкин эмас. Укам, озгина бўлсада, ўзингизни ҳурмат қилинг” деб танбеҳ берди. Бу ўринли танбеҳдан ҳалиги кишининг фиғони фалакка чиқиб, “Сизга нима, йўлингизда давом этаверинг, нимани гапираман, нима қиламан, ичаманми, ичмайманми мани ишим. Ичсам, ўз пулимга ичаман”. Ҳайдовчи бошини сарак-сарак қилдида, гапириш бефойда эканлигини билганиданми ёки муборак куннинг ҳурматиданми, ортиқча жанжал чиқаришни хоҳламади. Фақатгина яна бошқаларга халақит берадиган бўлса, автобусдан тушириб юборишини таъкидлади.  


         Бу нохуш вазиятни кузатиб, ўйланиб қолдим. Наҳотки, инсонлар иродасиз, маънан заифлашиб бораётган бўлса. Ахир, ёш авлод катталардан ибрат олади, уларнинг тарбияси асосида улғаядику. Бу каби нохуш ҳолатларни кўриб, кузатган ёшлар ахлоқсизлик, маънавий қашшоқликдан бошқа нарсани олмайди. Биз катталар ўз хулқимиз билан ибрат бўлолмаётган эканмиз, ҳеч бўлмаса, ахлоқсиз ҳаракатларимиз билан ўзгаларга озор бермайлик!  


 


Lola

ТОШКЕНТ ИСЛОМ УНИВЕРСИТЕТИНИНГ ТАЛАБАЛАР ТУРАР ЖОЙИДА ТАЛАБАЛАР КЕНГАШИГА САЙЛОВ БЎЛИБ ЎТДИ

Toshkent islom universiteti bitiruvchilari
Илм-фан


12 сентябрь куни Тошкент ислом  университетининг Талабалар турар жойида Талабалар Кенгаши раиси ва аъзоларини сайлаш бўйича йиғилиш бўлиб ўтди.


Йиғилишда университетнинг“Маънавият-маърифат ва иқтидорли талабалар билан ишлаш” бўлими бошлиғи Зокир Рўзиев, “Камолот” ЁИҲ БТнинг етакчиси Сирожиддин Аброров ва ТТЖнинг 170 нафар талабалари иштирок этди.


Ўтказилган йиғилишда ТТЖдаги ички тартиб-қоида ва интизомлар билан талабаларни таништириш, ТТЖ ТК раиси ва аъзоларини сайлаш, Маънавий-маърифий тадбирларни ташкил этишда ўз-ўзини бошқариш тизимини жорий этиш каби масалалар кўрилди.


Сайловга номзод қилиб, уч нафар талаба кўрсатилди. Булар:


1.Қаҳҳоров Сарвар (ДСП-3)


2.Эшбутаев Акмал (ИВАТ-3)


3.Тўхтаназаров Абдуваҳоб (ИТМ-2)


Сайлов талабаларнинг очиқ овоз бериш йўли билан ўтказилди. Сайлов натижаларига кўра:


1.Қаҳҳоров Сарвар (ДСП-3) 70 та овоз


2.Эшбутаев Акмал (ИВАТ-3) 28 та овоз


3.Тўхтаназаров Абдуваҳоб (ИТМ-2) 14 та овоз


4.Бетарафлар сони эса 58 та овоз


 Қаҳҳоров Сарвар 70 та овоз билан ТТЖ ТК раислигига сайланди. 



Шунингдек, З.Рўзиев ТТЖда ўз-ўзини бошқариш тизимини жорий этишда Талабалар Кенгашини шакллантириш лозимлигини талабаларга тушунтириб ўтди. Айниқса, ТТЖда талабаларнинг бўш вақтини мазмунли ташкил этиш учун илмий-амалий ва маънавий-маърифий тадбирлар ўтказиш хусусан, талабаларнинг таклиф ва мулоҳазалари асосида ТТЖ  талабалари учун араб, рус, инглиз тили каби чет тили тўгараклари ва бадминтон, волейбол, шахмат каби спорт тўгараклари ташкил этилиши таъкидланди. Шундан сўнг, ТТЖ ТК раиси С. Қаҳҳоров 2014-2015 ўқув йили учун режалаштирган амалий ва маънавий-маърифий ишлар режаси билан талабаларни таништириб ўтди. 



Йиғилиш очиқ мулоқот ва эркин фикрлар асосида мазмунли ўтказилди

ТОШКЕНТ ИСЛОМ УНИВЕРСИТЕТИДА ЎТКАЗИЛГАН “ЭРТА НИКОҲ ВА УНИНГ САЛБИЙ ОҚИБАТЛАРИ” МАВЗУСИДАГИ ДАВРА СУҲБАТ ТАФСИЛОТЛАРИ

Toshkent islom universiteti bitiruvchilari
Илм-фан

      Маълумки, Ўзбекистон Республикаси Президентининг 2014 йил 26 февралда Ёшлар ўртасида соғлом турмуш тарзини яратиш бўйича Қарори қабул қилинган бўлиб, уларнинг ҳар томонлама етук шахс бўлишлари учун Давлатимиз томонидан барча шарт-шароитлар яратилган. Бинобарин, аҳолининг 64% дан ортиғини ёшлар ташкил этади. Айниқса, бугунги кунда аҳоли ўртасида репродуктив саломатликни яхшилаш, эрта никоҳнинг олдини олиш муҳим ва долзарб масала ҳисобланади. Бу борада, “Соғлом бола” Давлат дастурининг қабул қилиниши инсонларнинг ҳар томонлама саломатлиги, айниқса аёллар саломатлиги, уларнинг жисмонан ва ақлан соғлом бўлишига қаратилган муҳим қадам бўлди.


      Маълумотларга қараганда, инсон ҳаётининг 55% кечираётган турмуш тарзига, 17% атроф-муҳитга, 18% наслга, 10% тиббиёт ходимлари ёрдамига боғлиқ. Вазирлар Маҳкамасининг 2008 йил 26 август 365-сонли “Никоҳдан олдин ёшларни тиббий кўрикдан ўтказиш” бўйича қарорига кўра, 5 хил турдаги касалликлар текширувида бепул тиббий хизматдан фойдаланиш белгилаб қўйилган бўлиб, буларга: СПИД, гиёҳвандлик, сил, руҳий касалликлар ва жинсий йўл билан юқадиган касалликлар киради.


       Бу борада, Тошкент ислом университетининг Талабалар турар жойида талаба-қизлар учун “Эрта никоҳ ва унинг салбий оқибатлари ҳамда аҳоли ўртасида репродуктив саломатликни яхшилаш” мавзусида давра суҳбати бўлиб ўтди. Маърузада репродуктив саломатлик, соғлом муҳит, соғлом турмуш тарзи тушунчалари ҳамда эрта никоҳ, унинг салбий оқибатлари каби мавзулар кенг ва атрофлича муҳокамага тортилди.


 Давра суҳбатда Республика аҳоли Репродуктив саломатлик маркази ходими Дилбар Аҳмедова ҳамда университетнинг профессор-ўқитувчи ва ходимлари, ТТЖнинг 60 нафар талаба-қизлари иштирок этди.



       Талаба-қизлар мавзу бўйича “яқин қариндош бўлмаган одамлардан ҳам ногирон фарзандлар туғилиши мумкинми”, “оғриқ қолдирувчи дориларнинг зарари йўқми” ва бошқа ўзларини қизиқтирган қатор саволлар билан мутахассисларга мурожаат қилишди ва ўзларига кераклича жавобларни олишди.


 


Л.Азимова 

Тошкент ислом университетида "Мустақиллик дарслари"

Toshkent islom universiteti bitiruvchilari
Илм-фан

         Мустақиллик, эрку озодлик, тинч ва осуда ҳаёт  – бу сўзлар қанчалик ёқимли, қанчалар маънолики, унинг қадр-қимматини юксакларга қўйиб, ардоқласак, шунчалик камдир.


Ўзбекистон босиб ўтган 23 йиллик тараққиёт йўли оламларга татирли аҳамиятга эгаки, буни бугунги кунда дунё ҳамжамияти кўриб, тан олиб турибди. Дунёда юз бераётган турли низою жанжаллар, қонли урушлар минглаб одамларнинг ёстиғини қуритаётганлиги, бизни тинч, осуда ҳаётда яшаётганлигимизга минг бор шукроналар айтишга ундайди. Аслида ҳам шукроналик туйғуси билан яшашимиз ва нафас олишимиз, бизнинг энг олий инсонийлик бурчимиздир.



БОЛА ДУНЁСИГА ЖО БЎЛГАН ВАТАН

Toshkent islom universiteti bitiruvchilari
Илм-фан

 Юртимизда байрам шукуҳи кезмоқда. Бир олам қувонч билан транспорга чиқдим. Автобусда эътиборимни чамаси 4 ёки 5 ёшлардаги бола тортди. Бола атрофни кузатиб борар экан, ҳар бир кўрган нарсага қизиқиш билан қараб, бувисига саволлар берар ва жавобини интиқлик билан кутар эди. “Бувижон, қаранг, катта бино, бу жой нима?”. Бувиси “Шерзоджон (боланинг исми шундай эди), бу бино театр, Ўзбекистон Миллий театри. Бу шаҳримиздаги энг катта, чиройли театрлардан бири”. Бола янада қизиқиш билан “бувижон, театрда нима қилишади”. “Болажоним, театрда яхшилик билан ёмонликни актёрларимиз саҳнада кўрсатади. Масалан, бобомиз Амир Темурнинг кучини, ботирлигини, одамларга чиройли муомала қилганлигини, чиройли бинолар қуришга буйруқ берганлигини, Алишер Навоий бобомизнинг эса, гўзал шеърларини ўқиб, камбағалларга ёрдам берганлигини актёрларимиз одамларга кўрсатиб беради”. Бола бувисининг гапларидан ҳайратланиб, кейинги бекатдаги фаввораларга завқ билан қараб, “бувижон, қаранг, чиройли фантан” дея қувониб кетди. Бувиси Шерзоджоннинг бошини меҳр билан силаб, “чиройли фавворани томоша қилгани ойижон, адажонинг, аканг ва синглинг билан, албатта, келамиз” деди. Бола бувисининг гапидан хурсанд бўлиб, кузатишни давом этди. Автобус кейинги бекатда тўхтади. Маҳобатли Кўкалдош мадрасасини кўрган Шерзоджоннинг кўзлари порлаб кетди. Ҳайрат ва қувончдан шижоати жўшган Шерзоджон бувисини имлаб, “бувижон қаранг, яна битта жуда чиройли ва катта бино. Бу қандай бино”. Бувиси ним табассум қилиб, “бу бинони жуда ҳам яхши, ҳаммага ёрдам берадиган инсон қурган”, сўнгра “сенга ўхшаган болаларга меҳрибон, ширинликлар берадиган одам қурган” деб қўшиб қўйди. Гапини давом эттириб, “Бу бинода кўп китоб ўқиган, ҳаммага салом берадиган, ойи, адажони ва ҳаммани яхши кўрадиган, яхши болалар ўқишади”, деди. Бола бинодан чиқаётган одамларнинг ҳар бирига меҳрли нигоҳлари билан боқди. Балки, ўша дамда беғубор мурғак қалбида шу бинодан чиқаётган ҳар бир одамга нисбатан ҳавас туйғуси уйғонгандир. Бола бувисининг сўзларидан мамнун кайфиятда, йўлида давом этди. Мен эса, ўз бекатимда, руҳий бир енгиллик билан тушиб қолдим. Қалби қувончга, кўзлари ҳайратга тўла болажонлар ҳамда уларнинг саволларига ҳеч оғринмасдан, эътибор билан қараб, содда, болаларча тилда тушунтираётган бувижонлар борлигидан жуда қувондим. Тўғрироғи, ҳайратим ошди. Улар йўлда давом этди. Балким, улар ўз манзилларига етгунларига қадар, бувижони яна нималарнидир болаларча тилда тушунтириб, боланинг беғубор дунёсини яхшиликлар билан тўлдирган бўлса, не ажаб.


 


Лола Азимова

Қаймоқнинг баҳоси

Toshkent islom universiteti bitiruvchilari
Илм-фан

Ҳар кунгидек, бозор одамлар билан гавжум. Одамларнинг бақир-чақир, қий-чуви бозор тинчлигини ўғирлаган. Адолат шомга яқин ишдан қайтаётиб, ижарадаги уйида қишлоқдан жиянлари келганлигини ўйлаб, нон ва мева олиш илинжида Чорсу бозори бекатига тушиб қолди. Эҳтиёжига етадиган пули борлигини ўйлаб, нон олиш илинжида расталар томон секин одимлади. Йўлакда қаймоқ сотиб турган аёлнинг “уйга кеч қоляпман, узоқ жойга кетишим керак, биттагина қаймоғим қолди, жуда мазали, кечки бозор, арзон нархга, атиги беш минг сўмга бераман, олиб кетинг” деган ялинган, шикаста овози растагача етишга Адолатга имкон бермади. Ҳол-жонига қўймай, мақтай-мақтай қаймоқни Адолатга тутқазиб, шоша-пиша аёл ўз манзили томон равона бўлди. Кўнгилчанлиги учунми ёки аёлнинг кеч қолганлигига раҳми келибми, қаймоқни қандай олганлигини билмай қолган Адолат ўйлаган нарсаларини олишга пули қолмади ва гавжум йўлакда бир зум эсанкираб қолди. Ўйлай-ўйлай охири ижарада бирга турадиган Нигора ёки Шаҳло балки нон олиб келгандир, деган умидда кўнгли бироз таскин топди.


Олий маълумотли бўлиб, озгина маошга ишлаб, аранг кун кўраётган Адолат қўлидаги қаймоқ билан ҳамиша ёрдамини аямайдиган қўшни аёл Нодира опани ҳам сийлашини ўйлаб, ижарадаги уйига қайтди. Ўртоғи Нигорага қаймоқдан идишга солиб, қўшни аёлга олиб чиқишини, қолганини эрталабки нонуштага ейишларини айтиб, бонкани қўлига тутқазди. Нигора қаймоқни озгина татиб кўриб, мазасини мақтай-мақтай, қаймоқни идишга сола бошлади. Не кўз билан кўрсинки, идиш юзасида озгина қаймоқ, қолган қисми суюқ қатиқ эканлигини кўриб, ранги ўзгарди. Бу ҳолни кузатаётган Адолат алданганини билиб, кайфияти бузилди. Шунда момоси айтган “оқлик билан алдаган инсоннинг охирати куяди, ҳеч қачон бири икки бўлмайди” деган ибратли сўзи ёдига тушди. Ҳаётда фирибгарлик йўли билан кун кўраётган, неажабки, бунинг касри болаларига ҳам уришини ўйламаётган кимсаларнинг сони тобора ортиб бораётганлигини ўйлаб, кўнгли эзилди ва маҳзун бир руҳиятда қалбан сиқилди. Ҳеч бўлмаса, оз бўлсада, беминнат ёрдамини аямайдиган қўшниси Нодира опага ўхшаган аёллар ҳам борлигини эслаб, шукроналар айтди.


  


Лола 

Тошкент ислом университетида Мустақилликнинг 23 йиллик байрами тантанали нишонланди

Toshkent islom universiteti bitiruvchilari
Илм-фан

Мустaқиллик – бу ҳeч кимгa қaрaм бўлмaсдaн, ўз миллий мaнфaaтлaрни, узoқ вa дaвoмли мaқсaдлaрни кўзлaб, иқтисoдиётнинг бaрқaрoр суръaтлaр билaн ўсишини тaъминлaш, aҳoлининг фaрoвoнлигини, xaлқaрo мaйдoндa Вaтaнимизнинг oбрў-эътибoрини мунoсиб дaрaжaгa кўтaришдир.


 Ўтгaн йигирмa уч йил дaвoмидa эришгaн вa жaҳoн тaн oлгaн ютуқ вa мaррaлaр яъни, миллий дeмoкрaтик дaвлaт қуриш, иқтисoдиётни янги aсoсдa тaшкил этиш, ҳaётимиз дaрaжaси вa сифaтини oшириш бoрaсидaги кeнг кўлaмли ишлaр, шaҳaру қишлoқлaр, бутун мaмлaкaтимизнинг қиёфaси тoбoрa oчилиб, oбoд бўлиб бoрaётгaнини кўрсатмоқда. Муҳтарам Президентимиз Ислом Каримов Мустақилликнинг 23 йиллиги тантанаси муносабати билан сўзлаган нутқларида “Мустақиллик, истиқлол деган улуғ неъмат аввало халқимизга эркинлик ва озод ҳаётни берган, инсоний шаънимиз, миллий онгимиз, қадр-қимматимизни тиклаб, барчамизга ўзлигимизни англаш туйғусини, тилимиз, муқаддас динимизни, қадрият ва урф-одатларимизни қайтариб берган, Ватанимиз тарихида ҳеч нарса билан қиёслаб бўлмайдиган буюк санадир” деган эдилар.


Дарҳақиқат, бугун она диёримизда бўйлаб, байрам шукуҳи кезмоқда. Ҳар бир инсон қалбида ғурур, кўзида қувонч, тилларда эса, “Ягонасан, муқаддас Ватаним, севги ва садоқатим сенга бахшида, гўзал Ўзбекистоним! шиори янграмоқда.


Фаровонлик ҳукм сураётган ушбу заминда Ватанга муҳаббат, вафою садоқат, уни севиб, ардоқлаб, кўз қорачиғидек асраш, ҳар бир инсоннинг муқаддас бурчидир.


Шу жиҳатдан, 2 сентябрь куни Тошкент ислом университетида ўзгача шукуҳ ва бир олам қувончлар билан мустақилликнинг 23 йиллиги ҳамда янги 2014-2015 ўқув йилининг илк кунининг бошланиши кўтаринки руҳда ўтказилди.


  Тадбир Ўзбекистон Республикаси Давлат мадҳияси садолари остида Давлат байроғи кўтарилиши билан бошланди.  Сўнгра университет ректори, профессор Абдуллаев Равшан Ваҳидович сўзга чиқиб, мустақиллик шарофати билан амалга оширилган бунёдкорлик ишлари, ижтимоий-иқтисодий, ҳуқуқий, маънавий-маърифий соҳаларда эришилган ютуқлар беқиёс аҳамиятга эга эканлиги, айниқса, ёшларнинг билим олишлари, илмий салоҳиятга эга бўлишлари учун берилаётган кенг имкониятлар ҳақида қисқача гапириб, яна бир бор бугунги байрам билан ҳаммани муборакбод этиб, баркамол авлод, етук инсонни тарбиялашда устоз-мураббийларга куч-қувват, талабаларнинг илмий-ижодий ишларига зафарлар тилади.




Тадбир кўтаринки руҳда ўтар экан, тадбирга ташриф буюрган Ўзбекистон Республикаси Президенти Девонининг масъул ходими Камолжон Комиловнинг самимий фикрлари талабаларни янада руҳлантирди. Камолжон ака, Президентимиз Ислом Каримов мустақилликнинг 23 йиллик байрами муносабати билан сўзлаган нутқларидан парча келтирар экан, жумладан Ўзбекистон ҳеч кимдан кам бўлмаган, буюк аждодларни бағрида камолга етказган буюк давлат эканлигини, иқтисодий жиҳатдан ҳали юқори ўринда бўлмасада, аммо маънавий жиҳатдан юқори ўринда туришини фахр билан таъкидлади. Университетнинг талаба-ёшларига буюк аждодларнинг муносиб авлодлари бўлиш бахтини тилади.



 


Ўзбекистон мусулмонлари идораси раиси, муфтий ҳазрат Усмонхон Алимов улуғ ва қадрли байрам билан табриклар экан, фаровон, тинч ва жаннатмакон юртимизга кўз тегмаслигини, янада тараққий этиб, гуллаб-яшнашини, гўзал диёримизда таълим олаётган ёшларнинг баркамол, етук шахс бўлишларини мамнуният билан таъкидлади ва талаба-ёшларимизнинг илм чўққиларини забт этишларида омадлар тилади. 



 


Шунингдек, талабаларнинг ота-оналари, 1-курс талабалари, университет қошидаги академик лицей ўқувчилари сўзга чиқиб, ўзларининг илиқ ва самимий дил изҳорларини билдирдилар.



Кўтаринки руҳда ўтган тадбир бевосита “Мустақиллик дарслари”га уланиб кетди.


Она Юртим, улуғ айёминг муборак бўлсин. Нурафшон ва осуда кунларингга кўз тегмасин. Бағрингда буюк фарзандларинг камолга етаверсин:


Ватаним тупроғинг олтин, бебаҳо,


Нурафшон кунларинг шукуҳли, танҳо.


Дунёларни лолу ҳайрон этгувчи,


Буюк фарзандларинг авлиё, даҳо.


 


Лола Азимова

Бола ҳайратига жо бўлган Ватан

Yagonasan muqaddas Vatanim, sevgi va sadoqatim senga baxshida, go'zal O'zbekistonim!
Жамият

  Бугун шаҳар ва қишлоқларимизда байрам шукуҳи кезмоқда. Ҳамманинг дилида шукроналик, кўзида қувонч порлайди. Қарангки, қуёш ҳам самодан кулиб, ўзгача тароват билан боқмоқда.    Бир олам қувонч ила транспорга чиқдим. Автобусда эътиборимни чамаси 4 ёки 5 ёшлардаги бола тортди. Бола атрофни кузатиб борар экан, ҳар бир кўрган нарсага қизиқиш билан қараб, бувисига саволлар берар ва жавобини интиқлик билан кутар эди.



Ватаним - мангу ошёним

Yagonasan muqaddas Vatanim, sevgi va sadoqatim senga baxshida, go'zal O'zbekistonim!
Жамият

Шу юрт чун айлагум шукрона ҳар он,


Бағрида яйрагум шаксиз, бегумон,


Кетсам гар соғинчдан кўзларим гирён.


Шу она Ватаним – мангу ошёним.


 


Она Ватансан

Yagonasan muqaddas Vatanim, sevgi va sadoqatim senga baxshida, go'zal O'zbekistonim!
Жамият

Сен она ватансан, она ватансан,


Фарзандлари суйган, суюк ватансан.


Аждодлар руҳини эъзоз айлаган,


Муқаддас ватансан, қутлуғ ватансан


 


Иймони бут халқнинг мангу диёри,


Келажак нурлари порлаган юртсан.


Бағрингда яшаган буюк бобомлар,


Руҳлари қўллаган, ёрлаган юртсан.



Ватаним

Yagonasan muqaddas Vatanim, sevgi va sadoqatim senga baxshida, go'zal O'zbekistonim!
Жамият

Мозийнинг энг буюк ибрати сенда,


Одоб гулларига макон чаманим.


Донишманд ўгити, аллома панди,


Асрагани тоза имон Ватаним.


 


Кубро қўлларида кўтарган байроқ,


Фидоий аждодлар хоки – маҳзаним.


Яссавий ҳикмати кўзга тўтиё,


Не-не буюкларга бешик Ватаним.


 


Мустақиллик шукуҳи

Yagonasan muqaddas Vatanim, sevgi va sadoqatim senga baxshida, go'zal O'zbekistonim!
Жамият

        Мустақиллик, эрку озодлик тушунчалари замирида улкан маъно мужассам бўлиб, буни ҳурлик шабадаси кўксини тўлдираётган ҳар бир инсон теранроқ ва чуқурроқ англаши ҳамда кўпроқ қадрлаши мумкин. Бугунги шиддатли давр ҳар жиҳатдан ривожланиб бораётган экан, замон шиддатлари бизларга нималардир беряпти ва нималарнидир мерос қилиб қолдиришга ҳам улгуряпти. Аммо шиддатли давр тўфонларидан биз асраб қолишимиз мумкин бўлган бебаҳо неъмат бу – тинчлик, эрку озодликдир.



Ватан сени топганман..

Yagonasan muqaddas Vatanim, sevgi va sadoqatim senga baxshida, go'zal O'zbekistonim!
Жамият

Ватан сени топганман,


Бешигим ошёнидан.


Онам айтган аллаю,


Эртагу алёридан.


 


Ватан сени топганман,


Отамнинг ҳар сўзидан.


Менга суюниб боққан,


Меҳр тўла кўзидан.